LETRAS GALEGAS 2017

Este ano, o autor homenaxeado polo Día das Letras Galegas (17 de maio) é CARLOS CASARES.

Para saber máis deste autor, deixámosvos un enlace á páxina web Primavera das letras:

http://primaveradasletras.gal/ 

Nela atoparedes diferentes apartados con información e recursos sobre Carlos Casares:

- A súa biografía e obra: http://primaveradasletras.gal/carlos-casares/ 

- Fichas didácticas:

 http://primaveradasletras.gal/category/fichas-didacticas/

- Actividades interactivas: 

http://primaveradasletras.gal/category/outros-materiais/ 

- Recursos na rede:

http://primaveradasletras.gal/recursos-na-rede-sobre-carlos-casares/ 

- Certame:

http://primaveradasletras.gal/certame-contadenos-o-voso-dias-das-letras/ 

O Seminario Galán tamén nos ofrece material do Día das Letras Galegas 2017 para infantil e primaria (actividades en PDF, actividades interactivas sobre Carlos Casares, carteis de exposición e cuestionario...). A ligazón é a seguinte: http://www.seminariogalan.org/

Outras páxinas web de interese son:
- O Portal da Lingua Galega:
http://www.lingua.gal/o-galego/promovelo/dia-das-letras-galegas
- Fundación Carlos Casares:
http://fundacioncarloscasares.org/ 

DÍA INTERNACIONAL DO LIBRO

O 23 de abril é o Día Internacional do Libro. No noso colexio quixémolo festexar levando a cabo, un ano máis, o chamado "Apadriñamento lector": o luns 24 de abril os nenos e nenas de 3º, 4º e 5º de Educación Primaria apadriñaron aos máis cativos do colexio (os alumnos e alumnas de 4º, 5º, 6º de Educación Infantil e 1º e 2º de EP). A actividade consistiu na lectura dun conto por parte dos padriños e madriñas aos seus afillados/as en diferentes recunchos do recinto escolar (xardín, patio cuberto...).

 madriñas e padriños            afilladas/os

3º A EP__________________4º EI

3º B EP__________________5º EI

6º EP____________________6º EI

4º EP___________________1º EP

5º B EP___________________2º A

5º A EP___________________2º B

Aquí vos deixamos un vídeo con imaxes deste día:

Apadriñamento lector 2017 

Para conmemorar o Día do Libro tamén se realizou, por primeira vez no centro, a actividade "Biblio-patio": na hora do recreo alumnos voluntarios levaron ao patio unha selección de libros para que os nenos e nenas gozaran da súa lectura.

Este xoves foi a quenda do alumnado de 5º de EI: 

Axudantes de 6º de EP

RECICLAPEDIA

O EDLG, en colaboración con Equipo da Biblioteca e o Equipo de Voz Natura, propuxo ao alumnado a realización da actividade "Reciclapedia": cada grupo ou curso tería que definir un termo relacionado coa reciclaxe e coa natureza. O significado do termo podería definirse empregando a lingua galega, ou mediante imaxes ou debuxos.

Os traballos xa están aquí! Mirade:
(para ampliar a imaxe, facer clic enriba dela)

- Desenvolvemento sostible

- Reutilizar

- Reforestación

- Biodegradable

- Vertedoiros incontrolados

- Contaminación

- Reciclar

GRAZAS A TODOS OS QUE PARTICIPASTES!

Ollo ao refrán!

Aproveitando a posta en marcha no noso centro do Proxecto Meteoescolas, propuxemos ao alumnado e ás súas familias a busca e aportación de un ou varios refráns ou ditos relacionados co tempo. Poderían estar escritos a man ou a ordenador nun folio. A lingua empregada sería o galego. Posteriormente, os nenos e nenas adornaríanos con ilustracións e pasarían a formar parte dunha exposición. 

Pois ben, xa os temos connosco adornando a entrada do colexio, coincidindo coa celebración do Día Mundial da Meteoroloxía (23 de marzo). Observade!

Máis preto...

No seguinte vídeo mostrámosvos cada un destes refráns e ditos:

Ollo ao refrán!

Fermoso! 
GRAZAS E ATA OUTRA!

Exposición: "A arte no inverno"

Xa temos aquí as obras de inverno! Os alumnos e alumnas de infantil e primaria animáronse a participar nesta actividade coa recreación dunha obra de arte relacionada co inverno:

Educación Infantil

4º: "As estacións, inverno" de SALVADOR DALÍ

5º: "Inverno, os globos" de JORDANKA YARETZ

6º: "Paisaxe de inverno" de KANDINSKY

Educación Primaria

3º A e B: "Davos en inverno"/ "Davos na neve" de ERNST LUDWIG KIRCHNER

4º: "Can tombado na neve" de FRANZ MARC

5º A: "Desxeo en Egersburg" de EDVAR MUNCH

6º: "Castiñeiro en Louveciennes" de CAMILLE PISSARRO

Con elas realizamos unha exposición na entrada do colexio. Este é o espectacular resultado:

ACERCÁMONOS...

                                       

6º EI: " Paisaxe de inverno" de Kandinsky
6º EP: "Castiñeiros en Louveciennes" de Camille Pissarro

3º A e B: "Davos en inverno" /"Davos na neve" de Ernst Ludwig Kirchner
4º EI: "As estacións, inverno" de Salvador Dalí
4º EP: "Can tomabo na neve" de Franz Marc
5º A: "Desxeo en Egersburg" de Edvar Munch

5º EI: "Inverno, os globos" de Jordanka Yarete

No seguinte vídeo observamos con máis detalle estas obras de arte:

GRAZAS A TODOS OS QUE PARTICIPASTES!

DÍA DA MULLER TRABALLADORA - 8 de marzo

O 8 de marzo celebramos no noso colexio o DÍA DA MULLER TRABALLADORA. Realizamos murais e carteis con información importante sobre esta festividade:

- Na entrada do colexio colocouse un mural e adornouse a árbore.

As letras de "DÍA DA MULLER" foron elaboradas con recortes de revista de caras de distintas mulleres. As follas que compoñen a árbore levaban escritas frases agradecidas e motivadoras ao traballo realizado polas mulleres así en referencia á súa importancia, respecto, valor e IGUALDADE na sociedade.

A árbore da entrada quedou fermosa cos traballos realizados polos nenos e nenas do cole relacionados con este día. Observade!

 Acercándonos un pouquiño...

- Tamén se fixo outro mural. A árbore nel debuxada contaba cunhas follas dedicadas a mulleres que fixeron e fan historia:

Con máis detalle:

DÍA DE ROSALÍA DE CASTRO- 24 de febreiro de 2017

Para conmemorar este día, o Equipo de Dinamización da Lingua Galega, en colaboración co Equipo da Biblioteca, co de Voz Natura e co de Meteoescolas invitou ao alumnado a participar nun CONCURSO DE POESÍA. 

En relación co programa Meteoescolas que se pon en marcha no centro, este ano optamos por disfrazarnos no Entroido de fenómenos meteorolóxicos! Igualmente, decidimos que  as poesías para celebrar o día de Rosalía, versaran sobre o mesmo:

- Os nenos/as de Educación Infantil, 1º e 2º de Primaria poderían copiar e ilustrar unha.

- Os cativos/as dos demais cursos inventarían unha poesía. 

Os traballos terían que estar escritos en GALEGO.

Das poesías realizadas, seleccionáronse algunhas para ler o día de celebración do Entroido no cole: 24 de febreiro. Poderedes observalas no seguinte vídeo:

Concurso de poesía - Día de Rosalía de Castro 2017 

SODES UNS POETAS!

Deixámosvos aquí uns poemas cantados de Rosalía de Castro:

Se queredes coñecer a vida e obra de Rosalía clicade no seguinte enlace: http://centros.edu.xunta.es/ceppilarmaestu/webantiga/normaliz/rosalia/rosalia_vida.htm

DÍA DE ROSALÍA

#RosalíaTe é unha iniciativa promovida pola Asociación de Escritores en Lingua Galega, a cal ten por finalidade enaltecer a figura e obra de Rosalía de Castro cada 24 de febreiro (día do nacemento da escritora). 

Este ano o alumnado de 6º de primaria participou na actividade proposta, que consistiu na realización dunha máscara coa cara de Rosalía; logo fotografáronse con ela acompañados dalgún familiar, e sostendo un cartel con versos de Rosalía escollidos por cada alumno/a.

Para conmemorar o Día de Rosalía os nenos e nenas de infantil realizaron murais con imaxes de Rosalía en Pop Art:

4º EDUCACIÓN INFANTIL

5º EDUCACIÓN INFANTIL

6º EDUCACIÓN INFANTIL

O alumnado de 6º de EI tamén traballou na aula unha poesía de Rosalía:

ENTROIDO 2017

Chegou o Entroido!!! No colexio xa apareceu o Meco polos nosos corredores...e deixounos unha serie de ordes para esta semana!

As ordes, que se atopan nas mans do seu compañeiro, son as seguintes:

DÍA DA NON VIOLENCIA E DA PAZ 2017

Este ano, o día da Paz (30 de xaneiro) unímolo ao día da Educación Medioambiental (día 26 deste mes). 

Dende o Equipo de Dinamización da Lingua Galega, en colaboración con outros equipos do centro, propuxemos a realización dunha serie de actividades para festexar o día da non violencia e da paz. Este é o resultado:

- Mural sobre a reciclaxe de sentimentos: os alumnos/as de 5º de Educación Primaria decidiron reciclar palabras contrarias á paz, renovándoas e creando palabras portadoras de valores positivos. Con elas, realizouse este fermoso mural:

- Mural de tapóns: facendo unha homenaxe á importancia da reciclaxe, elaborouse un mural con tapóns de botellas xa empregadas; con eles creouse este deseño da Paz:

Máis preto...

- Mandalas da paz: os alumnos/as agasalláronnos coa súa elaboración. Tan bonitas quedaron, que decidimos empregalas para decorar a árbore da entrada do colexio. Botade unha ollada:

- Nubes de etiquetas: os nenos e nenas de 3º, 4º, 5º e 6º de EP quixeronnos contar o que para eles significaba a paz. Para elo elaboraron as chamadas "nubes de etiquetas". 

Estas nubes están compostas por palabras de paz escritas en tres linguas: galego, castelán e inglés.

No seguinte vídeo acercámonos a estas nubes de etiqueta. Mirade:

Nubes de etiqueta- Día da non violencia e da paz 2017 

- Receitas para a paz: coas palabras que os alumnos/as de 5º de EP crearon, os nenos e nenas do colexio elaboraron estas receitas para a consecución e mantemento da Paz.  Poderedes contemplalas no seguinte vídeo:

Receitas para a Paz 2017 

Belísimas, verdade?

O día da Paz (30 de xaneiro) léronse algunhas destas receitas así como un pequeno manifesto a favor da Paz. Logo, cantamos e bailamos unhas cancións da Paz. Pasámolo moi ben!

UN APLAUSO PARA TODOS OS QUE PARTICIPARON NESTAS ACTIVIDADES.

GRAZAS!