DÍA DE ROSALÍA- 2018

Ao longo do mes de febreiro realizamos no centro distintas actividades para homenaxear á nosa poetisa ROSALÍA DE CASTRO:

- O alumnado participou na actividade denominada "#AbrideAFiestra", promovida pola Asociación de Escritores en Lingua Galega (AELG): nun obradoiro dunha semana, os nenos e nenas de diferentes cursos elaboraron un mural coa biografía da escritora e varios murais cos seus poemas.

Este é o magnífico resultado:

- O 28 de febreiro os nenos e nenas de 6º B de Educación Primaria levaron a cabo un recitado de poemas de Rosalía de Castro, extraídos dos libros Follas Novas e Cantares Gallegos.

- Rosalía tamén estivo presente no traballo de aula. Un exemplo delo é o pequeno libro realizado polos nenos e nenas de 4º de Educación Infantil. Botade unha ollada:

DÍA DE ROSALÍA DE CASTRO - 2018

Con motivo da celebración do día de ROSALÍA DE CASTRO, O 24 de febreiro, dende o Equipo de Dinamización da Lingua Galega achegamos materiais para traballar nas aulas:

- CEIP Nosa Señora das Dores. Recitan o poema rosaliano "Alborada" ao son da "Alborada de Rosalía de Castro": https://www.youtube.com/watch?v=AsT0PykRMIo&feature=youtu.be

- EDLG Do CEIP de Cervo: http://bibliocervo.blogspot.com.es/2018/02/24-de-febreiro-dia-de-rosalia-de-castro.html

- CEIP ADR Castelao de Rianxo. Presentación de Rosalía de Castro: http://www.authorstream.com/Presentation/bibliocastelao-3364256-presentaci-rosalia-de-castro/%C3%A7

- Fundación e Casa Museo Rosalía de Castro. Información sobre a autora: http://rosalia.gal/

DÍA DE ROSALÍA DE CASTRO- 24 de febreiro de 2017

Para conmemorar este día, o Equipo de Dinamización da Lingua Galega, en colaboración co Equipo da Biblioteca, co de Voz Natura e co de Meteoescolas invitou ao alumnado a participar nun CONCURSO DE POESÍA. 

En relación co programa Meteoescolas que se pon en marcha no centro, este ano optamos por disfrazarnos no Entroido de fenómenos meteorolóxicos! Igualmente, decidimos que  as poesías para celebrar o día de Rosalía, versaran sobre o mesmo:

- Os nenos/as de Educación Infantil, 1º e 2º de Primaria poderían copiar e ilustrar unha.

- Os cativos/as dos demais cursos inventarían unha poesía. 

Os traballos terían que estar escritos en GALEGO.

Das poesías realizadas, seleccionáronse algunhas para ler o día de celebración do Entroido no cole: 24 de febreiro. Poderedes observalas no seguinte vídeo:

Concurso de poesía - Día de Rosalía de Castro 2017 

SODES UNS POETAS!

Deixámosvos aquí uns poemas cantados de Rosalía de Castro:

Se queredes coñecer a vida e obra de Rosalía clicade no seguinte enlace: http://centros.edu.xunta.es/ceppilarmaestu/webantiga/normaliz/rosalia/rosalia_vida.htm

DÍA DE ROSALÍA

#RosalíaTe é unha iniciativa promovida pola Asociación de Escritores en Lingua Galega, a cal ten por finalidade enaltecer a figura e obra de Rosalía de Castro cada 24 de febreiro (día do nacemento da escritora). 

Este ano o alumnado de 6º de primaria participou na actividade proposta, que consistiu na realización dunha máscara coa cara de Rosalía; logo fotografáronse con ela acompañados dalgún familiar, e sostendo un cartel con versos de Rosalía escollidos por cada alumno/a.

Para conmemorar o Día de Rosalía os nenos e nenas de infantil realizaron murais con imaxes de Rosalía en Pop Art:

4º EDUCACIÓN INFANTIL

5º EDUCACIÓN INFANTIL

6º EDUCACIÓN INFANTIL

O alumnado de 6º de EI tamén traballou na aula unha poesía de Rosalía:

 

24 FEBREIRO O DÍA DE ROSALIA

 

Con motivo da celebración do Día de Rosalía de Castro o 24 de febreiro, no noso centro decidimos renderlle unha pequena homenaxe recitando os seus poemas. Ademais estamos a traballar nas clases actividades relacionadas coa súa vida, obras, imaxes (as casas, monumentos, retratos..)

Dende o equipo de normalizacion da Lingua Galega colaboramos cos titores para adaptar os materiais e recursos os diferentes niveis de aula. Está programado elaboral un mural decorativo que lucirá nun dos corredores do colexio. Xa publicaremos como nos quedou..

 

Deixamos aquí enlaces e recursos para saber maís sobre Rosalia. (Preme nas imaxes) 

 

POEMAS FEITOS CANCIÓN

 Versión ADIÓS RÍOS, ADIÓS FONTES...para tódolos gustos!!!

karaoke da canción de Amancio Prada sobre o poema de Rosalía de Castro: repoludo gaiteiro

Animación realizada polos alumnos/as do obradoiro de educación Plástica, IES AS BARXAS,MOAÑA. 1º premio no concurso Imaxina Cantares! na categoría de Educación Secundaria Obrigatoria.

Animación en stop-motion dun poema de Cantares Gallegos de Rosalía de Castro, realizada polo alumnado de primeiro de bacharelato, na asignatura de TIC.

ROSALÍA DE CASTRO

Rosalía de Castro

 

O Día das Letras Galegas é un día de exaltación da lingua de Galicia. Comezou a celebrarse o 17 de maio do 1963, coincidindo co centenario da primeira edición de Cantares Gallegos, de Rosalía de Castro.

Queredes coñecela?

http://www.chiscos.net/almacen/lim/rosal_ia_de_castro1/rosal_ia_de_castro.HTML





Canción con pictogramas elaborada polo CEIP Plurilingüe "Anxo da Garda"
A Coruña 2015. Música: poema "Adiós ríos, adiós fontes" de Rosalía de Castro