DÍA DA NON VIOLENCIA E DA PAZ- 2018

O 30 de xaneiro (DÍA DA PAZ) o alumnado acudiu ao patio do colexio para festexar este día.

Dous alumnos de 6º de primaria leron un manifesto a favor da paz na presenza dun cartel preparado para a ocasión. 
Logo, interpretamos varias cancións, entre elas "Latucada pola paz". Para elo, os nenos e nenas acompañaron a canción co son dunhas latas que decoraran previamente con motivos alusivos a esta celebración.

Pasámolo moi ben!

Ademais o alumnado pintou pombas da paz, pegándoas posteriormente sobre platos de plástico, os cales foron colgados:

Festexando tamén o Día da Educación Ambiental, realizamos unha actividade que leva por nome "A PAZ EN-CAIXA": decoramos caixas de cartón recicladas con debuxos e frases relativos á paz. Con elas fixemos un mural na entrada do colexio. Observade:

Máis preto...

(premer sobre as imaxes para amplialas)

 FERMOSO!

DÍA DA NON VIOLENCIA E DA PAZ 2017

Este ano, o día da Paz (30 de xaneiro) unímolo ao día da Educación Medioambiental (día 26 deste mes). 

Dende o Equipo de Dinamización da Lingua Galega, en colaboración con outros equipos do centro, propuxemos a realización dunha serie de actividades para festexar o día da non violencia e da paz. Este é o resultado:

- Mural sobre a reciclaxe de sentimentos: os alumnos/as de 5º de Educación Primaria decidiron reciclar palabras contrarias á paz, renovándoas e creando palabras portadoras de valores positivos. Con elas, realizouse este fermoso mural:

- Mural de tapóns: facendo unha homenaxe á importancia da reciclaxe, elaborouse un mural con tapóns de botellas xa empregadas; con eles creouse este deseño da Paz:

Máis preto...

- Mandalas da paz: os alumnos/as agasalláronnos coa súa elaboración. Tan bonitas quedaron, que decidimos empregalas para decorar a árbore da entrada do colexio. Botade unha ollada:

- Nubes de etiquetas: os nenos e nenas de 3º, 4º, 5º e 6º de EP quixeronnos contar o que para eles significaba a paz. Para elo elaboraron as chamadas "nubes de etiquetas". 

Estas nubes están compostas por palabras de paz escritas en tres linguas: galego, castelán e inglés.

No seguinte vídeo acercámonos a estas nubes de etiqueta. Mirade:

Nubes de etiqueta- Día da non violencia e da paz 2017 

- Receitas para a paz: coas palabras que os alumnos/as de 5º de EP crearon, os nenos e nenas do colexio elaboraron estas receitas para a consecución e mantemento da Paz.  Poderedes contemplalas no seguinte vídeo:

Receitas para a Paz 2017 

Belísimas, verdade?

O día da Paz (30 de xaneiro) léronse algunhas destas receitas así como un pequeno manifesto a favor da Paz. Logo, cantamos e bailamos unhas cancións da Paz. Pasámolo moi ben!

UN APLAUSO PARA TODOS OS QUE PARTICIPARON NESTAS ACTIVIDADES.

GRAZAS!

      

30 DE XANEIRO

DÍA ESCOLAR DA NON-VIOLENCIA E DA PAZ

Ao longo da semana do 25 ao 29 de xaneiro conmemoramos no centro o día da Paz. Nunha reunión previa con todo o profesorado decídese, de entre moitas propostas, que este ano imos facer de forma conxunta un gran panel decorativo para a entrada do colexio con símbolos propios da paz. Para rematar a decoración poremos tres bolas grandes de cor azul colgadas do teito, decoradas con debuxos alusivos a paz e feitos por todo o alumnado. Como parte da celebración ademais imos traballar con dúas cancións promotoras da paz, que serán cantadas por todos os alumnos no patio do colexio o día 29 de xaneiro.  A primeira canción é do grupo JUANES, titúlase PAZ, PAZ, PAZ. A segunda, EL ROCK DE LA PAZ.

O equipo de dinamización da Lingua plantexa facer un mural decorativo para os corredores do colexio. Pensamos nunha mensaxe clara e directa que ademais incluise símbolos de paz. Así foi como nós quedou.

Tal e como facemos sempre, facilitamos no blogue de Galego enlaces web sobre recursos e actividades para traballar sobre a PAZ:

• PROPOSTAS DIDÁTICAS
• CONTOS PARA A PAZ
• PÁXINAS CON RECURSOS
• PRESENTACIÓNS
• XOGOS E ACTIVIDADES INTERACTIVAS
• DEBUXOS E MANUALIDADES SOBRE A PAZ 
• OUTROS RECURSOS

 PREME NAS IMAXES